उद्योग आणि उद्योजक फक्त शहरांतच बहरतात, या समजुतीला छेद दिला तो ‘कृपा हेअरटॉनिक’च्या माध्यमातून महाराष्ट्रभर पोहोचलेल्या राजन दळी या उद्योजकाने. किराणा मालाच्या दुकानापासून ते आयुर्वेदिक औषधी तेलांच्या लोकप्रियतेपर्यंतचा दळी यांचा प्रवास ग्रामीण उद्योजकांना सर्वार्थाने ‘कृपा’दृष्टीच प्रदान करणारा आहे. त्यांच्या या उद्यमशील जीवनप्रवासाचा घेतलेला हा आढावा...

जिद्द आणि चिकाटीच्या जोरावर सुरू केलेल्या प्रदीप ताम्हाणे यांच्या ‘विनकोट’ कंपनीने अल्पावधीत जगभरात ख्याती मिळवली आहे. १९९७ साली सुरू झालेली ‘विनकोट’ ही जगातील दुसरी आणि संपूर्णत: भारतीय बनावटीची औषधी गोळ्यांना कलर कोटिंग करणारी एकमेव कंपनी आहे. आज ‘विनकोट’ कंपनी जगातील पन्नासहून अधिक औषधनिर्मिती करणाऱ्या देशांना उत्पादन निर्यात करते.

सक्षम आचार-विचारांच्या विकासातून समाजाने स्वयंप्रेरणेने आर्थिक गुलामगिरी झुगारली, नाकारली. त्यामुळे डॉ. बाबासाहेब आंबेडकरांना अभिप्रेत असलेला सक्षम समाज उभा राहिला. हे सगळे परिवर्तन झाले ते डॉ. बाबासाहेब आंबेडकर या महामानवाच्या प्रेरणेने. या प्रेरणेचे एक मूर्त रूप आहे Dalit Indian chamber of commerce (डिक्की). समाजाला आर्थिक गुलामगिरीतून मुक्त करत उद्योजक म्हणून नावारूपाला आणणारी ‘डिक्की’. ‘डिक्की’च्या उद्योजकांच्या नजरेतून डॉ. बाबासाहेब आंबेडकरांच्या विचारांची प्रेरणा या पुरवणीद्वारे आपल्याला अनुभवायला मिळते. डिक्कीचे अध्यक्ष मिलिंद कांबळे यांच्या सामाजिक आणि उद्यमशील अनुभवातून साकारलेला हा लेख.

उद्योग निर्माण करणारे आणि रोजगार देणारे हात निर्माण झाल्यास देशाच्या अर्थकारणाला गती मिळते. या उक्तीनुसार आपणही उद्योजक बनावे, रोजगार निर्माण करावेत, असे मुंबई महानगरपालिकेचे ‘एम’ पश्चिमप्रभाग समितीचे अध्यक्ष आणि उद्योजक सुषम सावंत या तरुणाला वाटले. त्यानुसार त्यांनी वाटचाल सुरू केली आणि अनेक अडीअडचणींवर मात करत आपल्या व्यवसायात ते स्थिरावले. तेव्हा, सुषम सावंत यांच्या कार्यकर्तृत्वाचा आढावा घेणारा हा लेख...